Zum ersten Mal wurde der BeOst-Freundschaftsturntag durchgeführt und der TVG durfte dabei sein. Bericht von Elena Blum
Am 23. Mai isches sowit gsi und dr erschti Bödeli-Fründschaftsturntag het stattgfunde. Siebe Turnvereine vom Bödeli und Umgäbig hei sech zäme tah und e sportlich/fründschaftliche Wettkampfstag organisiert. Zu dene Vereine ghöre Brienz, Innertkirchen, Leissigen, Matten, Unterseen, Wil-derswil u natürlech mir Grindelwalder! Bi herrlichem Summerwätter hei mir üs also a besagtem Morge i Zug gsetzt und ufe Wäg richtig Brienz gmacht. Nachemne churze Marsch zur Sportalag vom Schuelhuus Dorf hei mir üs a z‘Iturne gmacht. Drnah isches o scho losgange mit üsne Diszipline! Gstartet heimer mit Wiitsprung und Fachtest Allround. Hie heimer alli Vollgas gäh und starki Leistige zeigt. Als nächschts isch d‘80m Pendelstafette z‘bewältige gsi wo üsi Turnende fasch nid z‘gseh si gsi, so schnäll si si hin und här gseklet. Ume Mittag si när o scho d‘Herre drane gsi ihres Können am Barren z‘zeige. Direkt drnah si d‘Dame drane gsi mit ihrem Programm am Schulstuffenbarren. Mir hei alli üses Beschte gäh und d‘Vorfüehrig mit vil Fröid turnt und gnosse. E volle Erfolg also! Natürlech het o z‘fähne nid dörfe fähle! We mir grad nid si am turne gsi, si mer de andere Vereine ga zueluege und zuejuble. Füre krönend Abschluss het d‘Pendelstafette mit alle siebe Vereine gsorgt. Unter luter Unterstützig heimer da sogar no dr zwöit Platz gholt - allez TVG!! Nachem sportliche Teil isches für alli Vereine richtig Hangar Matten gan-ge, womer es vrdients Znacht gässe hei und drnah natürlech alli no chli lenger blibe si ;). Es grosses Merci geit a OK für z’organisiere, a TV Brienz für d‘Gastfründschaft und a alli Hälfer!
